La sanaziun da la via tras il vitg da Domat ha retard e po vegnir terminada pir la primavaira. La raschun sajan lavurs pretensiusas vi dals conducts d'ovra ed installaziuns supplementaras cun la rait da chalur a distanza. Quai communitgescha l'uffizi chantunal da construcziun bassa.
En spezial vegn meglierada la segirezza cun construir ina colliaziun nuninterrutta per las pedunas ed ils peduns.
Ils 7 da december 2019 è la Via Nova puspè averta
Quest onn vegn terminada la sanaziun fin al restaurant «Halla». A partir dals 7 da december vegn la via però puspè averta. L'otgavla etappa da las lavurs da construcziun è vegnida spustada sin la primavaira 2020. Previs èn questas lavurs dals 24 da favrer fin ils 7 d'avrigl 2020.
Ord l'archiv
Cura ch'ins ha cumenzà cun las lavurs tras Domat hai anc gì num che la via principala restia serrada fin ils 13 da december.
RTR novitads 10:00
