La radunanza communala da Seewis en il Partenz ha elegì Reto Zampatti sco nov commember da la suprastanza. El succeda a Hansjörg Disch che ha demissiunà. En pli è Christian Aebli-Sutter vegnì reelegì per dus ulteriurs onns sco suprastant.
La radunanza communala ha er approvà il preventiv per l'onn che vegn. Tar expensas totalas da passa 6,8 milliuns francs quinta quel cun in surpli modest da bun 30'000 francs. Las investiziuns nettas muntan a bunamain 1,9 milliuns francs. Il pe da taglia resta er l'auter onn a 110% da la taglia chantunala simpla.
RR novitads 06:00