Per numerus collavuraturs dal chantun hai proximamain num pachetar lur chaussas en chistas e far midada da biros en il center da Cuira en il bajetg «Sinergia» en il vest da la citad. Radund 440 collavuraturs cumenzan bainbaud a lavurar en il nov edifizi da l’administraziun. 12 uffizis e 2 departaments midan chasa.
Ils emprims han fatg ils 17 d'avust midada, ils ultims midan lura ils 14 da settember. Dapi l’avrigl èn las lavurs da construcziun dal nov bajetg terminadas. Il coronavirus ha dentant retardà la bardigliada.
Datas da midada
| Departament d'infrastructura, energia e mobilitad | 17 d'avust |
| Uffizi da construcziun auta | 17 d'avust |
| Uffizi da chatscha e pestga | 17 d'avust |
| Centrala per stampats e material dal Grischun | 17 d'avust |
| Uffizi per industria, mastergn e lavur | 19 d'avust |
| Departament d'economia e fatgs socials | 24 d'avust |
| Uffizi per il svilup dal territori | 24 d'avust |
| Uffizi per economia e turissem | 26 d'avust |
| Uffizi d'agricultura e da geoinfurmaziun | 31 d'avust |
| Uffizi per la natira e l'ambient | 2 da settember |
| Uffizi d'energia e da traffic | 7 da settember |
| Inspecturat dal register funsil e da commerzi | 7 da settember |
| Uffizi da guaud e privels da la natira | 14 da settember |
| Uffizi per segirezza da victualias e la sanadad d'animals | 14 da settember |
Festa d'avertura il november
Il cumenzament da november 2020 èsi previs d'organisar in di da las portas avertas, durant il qual la populaziun survegn ina invista dal nov edifizi administrativ e da las activitads dals posts da servetsch. La festa d'avertura uffiziala ha lieu ils 4 da november 2020.
