Siglir tar il cuntegn

Header

Navigaziun

cuntegn

Ulteriur Grischun RhB: Cuira - Arosa puspè avert

Ina planta ch'è curdada sin ina lingia da contact da la Viafier retica ha impedì durant pliras uras il traffic tranter Cuira ed Arosa. La planta è curdada ier saira sin la lingia datiers da Cuira. Ils passagiers èn vegnids transportads cun bus.

Sco quai che la Viafier retica communitgescha haja l'impediment durà pli ditg che quintà perquai ch'in vehichel da construcziun ha gì ina panna. Atgnamain han ins vulì avrir il traject il venderdi la damaun.

Dapi las 11:30 curseschan ils trens tranter Cuira ed Arosa puspè tenor urari.

RR novitads 06:00