Siglir tar il cuntegn

Header

cuntegn

Ulteriur Grischun Rhiienergie: gudogn da 553'000 francs

L'interpresa d'electricitad Rhiienergie SA ha nudà per l'onn da fatschenta 2017/2018 in gudogn da 553'000 francs, quai tar in cashflow da 3,2 milliuns francs, scriva l'interpresa.

Ils motivs per il gudogn èn surtut la controlla da las expensas, ils pretschs bass per cumprar energia, ma era las entradas da l'energia solara. L'interpresa ha sviluppà vinavant l'onn da fatschenta passà ils servetschs d'energia innovativs en il sectur da fotovoltaica e mobilitad electrica.

En cumparegliaziun cun l'onn precedent ha Rhiienergie vendì 2,6% dapli energia entaifer l'inteschess da provediment. Ordvart la rait ha l'interpresa dentant pers in client grond, cunquai è la svieuta sa reducida là per 11,7%. Percunter haja l'interpresa er serrà giu dapli contracts cun clients gronds naziunals.

Pront per il futur

Tenor il CEO Christian Capaul è l'interpresa sa posiziunada optimal per il futur. L'emna proxima vegnian ins a cumenzar cun las lavurs vid il bajetg da manaschi.

RR novitads 08:00

Artitgels legids il pli savens