Siglir tar il cuntegn

Header

video
Algordanza - In diamant sco regurdientscha
Or da Telesguard dals 06.02.2020.
laschar ir
cuntegn

Rinaldo Willi «I dat nursas nairas che fan affars cun la mort»

L’Engiadinais Rinalodo Willi è stà pionier cura ch’el ha fundà avant bun 15 onns sia firma «Algordanza» che producescha a Domat diamants or da tschendra da morts. Sa chapescha che ses model ha chattà imitaders.

La reproscha che «Algrodanza» fetschia affars cun la mort saja anc adina presenta, di Rinaldo Willi – malgrà ch’ils flurists u sculpturs da craps gudognan era raps cun la fin da la vita umana.

Pli gronds quitads fa Rinaldo Willi per la reputaziun da la branscha. En China p.ex. haja ina firma imità sia pagina d’internet ed engianà clients cun dumandar pajaments anticipads senza furnir diamants. Auters produceschian diamants entaifer paucs dis, quai che na saja gnanc pussaivel.

Avegnir grev previsibel

Adina dapli persunas sa decidian per ina sepultura «anonima». Era las prescripziuns legalas sa midian magari. En il stadi federativ Brandenburg dettia ina obligaziun da sutterrar. Cun innovaziuns tecnicas vul «Algordanza» dentant restar cumpetitiva.

RTR Telesguard 17:40

Artitgels legids il pli savens

Scrollar a sanestra Scrollar a dretga