Siglir tar il cuntegn

Header

Navigaziun

Chaun vid la corda.
Legenda: Sin l'areal dal Rossboden pon ils chauns mo pli ir a spassegiar en corda. Keystone
cuntegn

Rossboden a Cuira Il militar vul ils chauns vid la corda

Avant in mais ha l'armada decis: Sin l'areal dal Rossboden na dastgan chauns betg pli ir senza corda. Ina decisiun che na plascha betg a tuts.

Il nov scumond sin l'areal dal Rossboden chaschuna discordanzas. Dapi in mais vala quest scumond. Dapi lura hai dà reclamaziuns da blers possessurs da chauns. Cunzunt sin la plattafurma Facebook è vegnì fatg attent sin il nov scumond. Las tavlas da scumond èn vegnidas tartagnadas. Il militar ha purtà plant cunter nunenconuschent.

Militar e citad discurran in sper l'auter ora

Er il president da la citad Urs Marti ha survegnì reclamaziuns. El vul far insatge cunter il scumond. Tenor el na saja betg vegnì communitgà a la citad davart il scumond. Daniel Steiner, cumandant dal plaz d'armas sin l'areal dal Rossboden, pretenda dentant ch'el haja communitgà quai gia sis mais avant. Uss vul Urs Marti tschertgar il discurs cun l'armada. Per Daniel Steiner è dentant cler: vid il scumond na sa mida nagut. Il scumond saja valaivel ed igl n'haja dà naginas reclamaziuns tar la publicaziun uffiziala.

RR actualitad 12.00