Siglir tar il cuntegn

Header

video
Tavau è quest’emna senza las salas plainas dal WEF
Or da Telesguard dals 26.01.2021.
laschar ir
cuntegn

Ruaus enstagl da prominenza Il WEF ha cumenzà – a Tavau èsi dentant vid

Sch'il forum mundial d'economia cumenza, è Tavau atgnamain plain politichers, lobbyists ed economs. Cun quai ch'i WEF ha lieu quest onn a Singapur èsi entant fitg quiet en la citad.

Il vitg da Tavau para d'esser vid. Il glindesdi bun'ura chattan ins strusch glieud sin via. Quai è bunamain il cuntrari dals auters onns. Quest onn n'è il forum mundial d'economia dentant betg a Tavau. Vinavant ha corona er in'influenza sin la stagiun d'enviern.

Che las vias èn pli vidas e ch'i n'ha betg uschè bler traffic, na disturba sco i para betg la populaziun.

Il traffic manca, nagins autos. Igl è dentant patgific.
Autur: Abitant

Ch'il WEF n'è betg a Tavau disturba cunzunt las persunas pertutgadas. Ina dad ellas è Tina Heide, la directura dal hotel Grandhotel Belvedere.

Igl è mintg'onn in grond privilegi dad esser part da quella occurrenza.
Autur: Tina Heidedirectura Grand Hotel Belevedere

Normalmain è il hotel in dals centers dal WEF – cun studios da radio e televisiun, chombras per VIPs e dapli.

Cumparegliaziun dals maletgs

Stuschar reglader a sanestraStuschar reglader a dretga
Legenda:Il hotel Steigenberger a Tavau: 2018 vs. 2021Il hotel Steigenberger a Tavau.RTR

Il center da congress a Tavau è anc pli vid che las vias. In'egliada en salas e corridors vids fa er mal al directur da turissem da Tavau, Reto Branschi.

Ils hotels fissan plains, las abitaziuns da vacanzas fissan plainas. Per fortuna èn almain las pendicularas e la loipa averta.
Autur: Reto BertschiDirectur da turissem da Tavau

Politica internaziunala na datti il proxim temp probablamain betg en il center. Ils proxims che vegnan a discutar en quest lieu, vegnan ad esser las deputadas ed ils deputads dal Cussegl grond. Il parlament grischun s'entaupa numnadamain puspè en quel lieu.

RTR actualitad 17:00

Artitgels legids il pli savens

Scrollar a sanestra Scrollar a dretga