Sin fundament da las mesiras da la rundella sto quella vegnir plazzada pli fitg en direcziun Rain, uschia ch'era la via vegn adattada. La rundella duai esser a fin questa stad. Il sutpassadi Grossrüfti duai succeder en il medem lieu. Quel serva al traffic plaun ed a l'access agricul.
La rundella duai vegnir bajegiada en quatter fasas. Durant quest temp dovri in'organisaziun da la circulaziun dal traffic provisorica, quella duai succeder sche pussaivel adina sin dus vials. I po dentant dar restricziuns nua ch'il traffic vegn manà da persunas u cun in'ampla.
Questa rundella tutga tar las lavurs da finiziun en connex cun la construcziun dal nov vial da l'A13 tranter Cuira-nord e Zezras. Lez è dapi l'atun en funcziun, ed ha custà en tut radund 90 milliuns francs.
RR novitads 17:00