Siglir tar il cuntegn

Header

cuntegn

Ulteriur Grischun «Sankt Johannes-Stift» a Zezras serra sias portas

La chasa d'attempads e da tgira «Sankt Johannes-Stift» a Zezras sto serrar sias portas la fin d’avust da quest onn. Tut ils 19 plazs da dimora ston vegnir dads si ed ils 32 emploiads da la chasa perdan lur plazza da lavur. Quai ha communitgà il cussegl da la fundaziun.

La chasa d'attempads e da tgira «Sankt Johannes-Stift» a Zezras sto sfurzadamain serrar la fin d’avust.

Il plan per pudair cuntinuar il manaschi tras ina cooperaziun cun la «Casa Fiora» a Zezras haja fatg naufragi, perquai che la regiun da Landquart n’ha betg approvà quest project. Tenor indicaziuns dal chantun dettia quai en la regiun actualmain ina surpurschida da letgs da tgira.

Anc nagina soluziun per cussedents e collavuraturs

Il manaschi da la chasa d'attempads e da tgira vegn mess ord funcziun pass per pass ed alura serrà ils 31 d’avust, scriva il cussegl da la fundaziun. La finanziaziun e la supportabladad na sajan dentant betg pli pussaivel, quai pervi da la situaziun finanziala generala da la chasa che ha sur onns fatg autas sperditas.

Quai munta er ch’ils 19 cussedents perdan lur dimora ed ils 32 emploiads lur plazza da lavur. La serrada vegn accumpagnada stretgamain da l’Uffizi per industria, commerzi e lavur dal chantun Grischun.

RR novitads 09:00

Artitgels legids il pli savens