Siglir tar il cuntegn

Header

cuntegn

Scanvetg Arosa ponderescha tempo 30 en l'entira val

Cun 14:0 vuschs ha il cussegl da vischnanca surdà a la suprastanza l'incumbensa d'examinar tempo 30 en l'entira vischnanca, vul dir da Calfreisen fin Arosa. Uschia statti en il Fegl uffizial regiunal. Quest pass en direcziun tempo 30 legria il parlamentari Reto Ruoss, rapportan las gasettas da Somedia. Gia il favrer aveva el inoltrà in'incumbensa ch'il parlament ha lura surdà a la suprastanza. Lezza ha midà l'incumbensa uschia ch'ella po decider il proceder, uschia ha la presidenta communala Yvonne Altmann ditg envers las gasettas.

Gia il 2004 era la reducziun da tempo en discussiun ad Arosa e curt avant l'introducziun. Dus onns pli tard han ins dentant mess ad acta la tematica senza avair fatg pass concrets. Ils ultims onns pari d'avair dà ina midada da tenuta envers il tempo 30. Cun introducir quel pudess la vischnanca numnadamain er gist realisar diversas sanaziuns da canera pretendidas.

RTR novitads 09:00

Artitgels legids il pli savens