A partid da l'avust 2017 ha la scola professiunala artisanala a Cuira in nov directur: Lukas Schaffner surpiglia la direcziun, cura che Peter Andres va en pensiun, communitgescha la citad da Cuira.
Suenter in studi d'inschignier ha Lukas Schaffner lavura 7 onns sin ses mastergn. Lura ha l'um da 48 onns absolvì la furmaziun da magister da scola professiunala e dà scola. Ils davos 5 onns è Lukas Schaffner stà rectur d'ina scola professiunala en il chantun Lucerna.
RR novitads 11:00