Siglir tar il cuntegn
cuntegn

Ulteriur Grischun Scola d'hotel Passugg banduna l'Associaziun da scolas d'hotel

Las scolas da turissem e hotellaria da Passugg e Thun bandunan l’Associaziun svizra da las scolas d’hotel. Sco las scolas scrivan a las medias na vegnian ils interess da las duas scolas betg represchentads optimalmain tras l’uniun svizra, las concordanzas sajan pitschnas.

scola da hotel a Passugg
Legenda: La Swiss School of Tourism and Hospitality a Passugg. RTR

L'Associaziun svizra da las scolas d'hotel è vegnida fundada l'onn 1986 ed haja fatg lavur impurtanta per sustegnair la qualitad da las scolas d'hotel svizras. L'ultim temp haja dà l'impressiun ch'ils interess da lur scolas na sajan betg pli represchentads a moda optimala, scrivan las duas scolas. Betg tut las scolas d’hotel en l’associaziun svizra adempleschian ils medems criteris da qualitad e scolaziuns. Uschia na saja betg pussaivel da cumparegliar las scolas.

RR novitads 16:00