Siglir tar il cuntegn

Header

Stanza d’ospital
Legenda: Sch’in uffant sto restar l'ospital, lura vegn el baud u tard en la scola d’ospital. Pixabay
cuntegn

Ulteriur Grischun Scola da l'ospital chantunal: Tgi sto pajar?

Fin il 2012 valevan scolas d’ospital sco scolas spezialas. Ils custs per questas surpigliava il chantun. Dapi la nova lescha da scola valan scolas d’ospital però sco scolas regularas. Per questas scolas surpiglian normalmain las vischnancas ils custs. Ma, i dat intschertezzas.

Tenor il directur da l'ospital chantunal Arnold Bachmann pajan mo la mesadad da tut las vischnancas ils custs per la scola d’ospital. Cun quai fa la scola d’ospital in deficit da CHF 66’000.-. Per che la scola possia vinavant exister, saja quai però impurtant che tut las vischnancas pajan. Pertge che tschertas vischnancas na pajan betg, n'è per Bachmann betg visibel.

Vischnancas na pajan betg

Per evitar in deficit, ha Bachman appellà a las vischnancas da finalmain pajar; quai a la radunanza cun las vischnancas dals 26.09.2016. Entant però senza effect.

Ina da las vischnancas che na pajan betg è Domat. La presidenta communala Beatrice Baselgia insista però, ch'i na saja scrit nagliur che las vischnancas dessan surprender ils custs. Uscheditg che quai na saja betg reglà definitivamain, na vul Domat era betg pajar.

Cussegl grond duai sclerir en la sessiun d'october

Anc l’ultim onn è vegnida inoltrada la dumonda al parlament, co quai saja reglà cun la finanziaziun da la scola d’ospitals. La resposta da la regenza n’haja però betg persvadì. Il Cussegl grond vuless en la proxima sessiun (otober) sclerir ils fatgs. Fin lura, han las partidas da spetgar.

RR actualitad mezdi 11:00

Dapli da Grischunavrir la Landingpage

Nach links scrollen Nach rechts scrollen