Siglir tar il cuntegn

Ulteriur Grischun Scola media Schiers vul matura bilingua

La scola media evangelica Schiers vul introducir sin l'onn da scola 2016/17 la matura bilingua tudestg-englais. Sper quai cumenza l'instrucziun la damaun ina mes’ura pli tard, pia las 08:15.

La scola media Schiers.
Legenda: Cun 420 scolaras e scolars è la scola a Schiers la segund gronda scola media dal Grischun. MAD

Cun questas mesiras vul la scola da Schiers daventar pli attractiva per scolars da l'aglomeraziun da Cuira.

Sco attatga agressiva sin la scola chantunala da Cuira na vesa il prorectur Hans-Andrea Tarnutzer dentant betg quai.

Nus avain in’offerta supplementara che la scola chantunala n’ha betg il mument e vulain naturalmain pledentar en special scolaras e scolars che mussan interess vi d’ina matura bilingua tudestg-englais.
Autur: Hans-Andrea Tarnutzerprorectur scola media Schiers

Il mument è la dumonda per introducir la matura bilingua dentant anc tar la regenza. Tenor Hans-Andrea Tarnutzer adempleschi la scola da Schiers dentant tut ils criteris, uschia che la matura bilingua tudestg-englaisa possia vegnir introducida.

RR novitads 11:00