Siglir tar il cuntegn
Inhalt

Ulteriur Grischun Scolara d'ir cun auto chaschuna accident

A Zizras è in auto collidà cun in velocipedist. L'um da 74 onns che charrava sin in e-bike è sa blessà grevamain. Sco la Polizia chantunala scriva era l'automobilista ina scolara d'ir cun auto.

L'accident è capità sin la Deutsche Strasse a Zizras.
Legenda: L'accident è capità sin la Deutsche Strasse a Zizras. MAD

Malgrà las stentas da la manischunza da 27 onns e da la scolasta d'ir cun auto na saja betg stà pussaivel d'evitar ina collisiun frontala. L'um da 74 onns ha blessà ses chau e pers la schientscha tar l'accident. El è vegnì transportà a l'Ospital chantunal.

RR novitads 12:00