Siglir tar il cuntegn

Header

video
Analisa dal ristg «Maiensässfahrt»
Or da Telesguard dals 18.02.2020.
laschar ir
cuntegn

Scolas Cuira Er en l'avegnir Maiensässfahrt

Las scolas da Cuira vegnan vinavant a far lur viadi a culm tradiziunal, la Maiensässfahrt. Quai ha decis il cussegl da la citad da Cuira, suenter ch'el ha laschà far in'analisa da risico da l'occurrenza. Quella analisa n'ha chattà nagins indizis che pudessan metter en dumonda la Maiensässfahrt.

Ils resultats dals experts externs mussan che la segirtad da la Maiensässfahrt è gia sin in nivel aut. Tuttina recumondan ils experts d'optimar la segirtad. Uschia duajan ins en l'avegnir per exempel definir pli bain ils pensums e las responsabladads u er infurmar meglier geniturs davart l'occurrenza. Novas regulaziuns na vul la citad dentant betg introducir.

«La citad prenda a cor las recumandaziuns»

Il cussegl da la citad da Cuira vul realisar tut ils puncts ch'il rapport pledenta. Uschia saja quai impurtant da discurrer pli fitg da segirtad, ha ditg il cusseglier da la citad responsabel Patrik Degiacomi. En tut ils process da l'occurenza duai avair dapli plaz per discurrer da segirtad. Sin questa moda possian els crear ina cultura da segirtad ed uschia vegnian ils scolast, ils scolars, ils geniturs ed er tut ils auters involvids pli sensibilisads per la tematica.

Il matg passà era in scolar da 14 onns sa disgrazià sin il viadi da la Maiensässfahrt. L'accident vegn il mument anc sclerì da la Procura publica.

RTR novitads 11:00

Artitgels legids il pli savens

Scrollar a sanestra Scrollar a dretga