Siglir tar il cuntegn
cuntegn

Ulteriur Grischun Segir tras blocs da betun

Blocs da betun e policists sin patruglia: Uschia segirescha la polizia da Cuira la fiera da Nadal. Ils blocs da betun èn dentant pli per decuraschar.

La fiera da Nadal tar l'Alexanderplatz a Cuira.
Legenda: La fiera da Nadal tar l'Alexanderplatz a Cuira - protegì da blocs da betun. RTR

Per segirar la fiera ha la polizia da Cuira elavurà in concept da segirezza cun ils organisaturs dal martgà. Ins haja valità tut ils ristgs e privels e prendì las consequenzas adequatas, uschia Roland Hemmi, vicecumandant da la polizia. I dà policists sin patruglia e blocs da betun installads tar l'Alexanderplatz. Quels duessan evitar, che vehichels van en ils stans dal martgà.

Blocs da betun – pli prender davent il curaschi che franar

Tenor in test da la fatschenta da controlla tudestga DEKRAna frainan ils blocs dentant betg in camiun. Quels pon dimena rumper tras ils blocs. Ch'els na tegnan betg si gronds vehichels, da quai è Roland Hemmi conscient.

Els decuraschian dentant tuttina, in pussibel attentader haja dapli retegnientschas. Vinavant sa senta la glieud pli segira, sche quels elements vegnan montads. Capitar po dentant adina insatge:

La segirezza absoluta na datti nagliur. In ristg ineliminabel datti adina.
Autur: Roland HemmiVicecumandant da la polizia da Cuira

Be perquai na stoppian ins dentant betg restar a chasa, manegia il vicecumandant da la polizia da Cuira. Ed era sin il martgà di la glieud, ch'i saja donn, sch'ins na va betg sin il martgà be perquai ch'i pudess capitar insatge.

RR actualitad 08:00