Siglir tar il cuntegn
Inhalt

Ulteriur Grischun Segirezza WEF – armada gida vinavant al Grischun

Suenter il Cussegl dals chantuns ha er il Cussegl naziunal approvà il servetsch da l’armada al Forum mundial d’economia WEF a Tavau. Quai rapporta l’agentura da novitads SDA da la sessiun a Berna.

Militarist.
Legenda: Radund 5'000 militars vegnan a sustegnair er vinavant il Grischun tar il WEF. Keystone

Il WEF saja in event cun in effect internaziunal, ha argumentà il minister da la defensiun Guy Parmelin a favur dal servetsch da l’armada per la segirezza. Il Cussegl naziunal ha votà cun 131:29 vuschs cun 15 abstenziuns da mantegnair il sustegn militar per il WEF.

Per ils onns 2019 fin 2021 pon vegnir en acziun maximalmain 5’000 militars – quai vegn a custar 32 milliuns francs. Quai èn 4 milliuns francs dapli sco enfin uss. L’armada segirescha, tranter auter, il spazi d’aria, protegia persunas e porscha sustegn logistic.

RR novitads 20:00