Siglir tar il cuntegn

Header

cuntegn

Sennhof avra las portas In sguard davos ils mirs da la praschun

Il Sennhof a Cuira vegn public. Il temp enfin l'entschatta da construcziun l'atun da quest onn vegn nizzegià per dar in sguard davos las culissas d'ina anteriura praschun.

Per nizzegiar il temp enfin l'entschatta da las lavurs da construcziun dal project «Kontinuum» èn planisads guids, ina preschentaziun da teater en la curt ed in public viewing dal campiunadi europeic da ballape da questa stad.

Abitaziuns favuraivlas e lavuratoris

Il project «Kontinuum» che mantegna la tur, il tract d'arvieuts ed ils edifizis per lung da la via dal Sennhof duess porscher abitaziuns favuraivlas e lavuratoris. Grazia a l'angul da la part nova survegnia la curt ina nova structura, vegnia averta vers la vigna e paria d'esser en tut pli generusa scrivan ils iniziant en ina communicaziun da medias.

Pli generus ed avert

Il team d'investiders veglia manar vinavant cun quest project la structura dals edifizis davent dal chantun nord-vest «en ina moda persvadenta» che s'integreschia armonicamain e ponderadamain en la citad veglia, ha argumentà la regenza sia decisiun per il project.

Pli generus ed avert duai er esser il traffic da public: Planisà èn in restaurant, lavuratoris, abitaziuns, cultura e spazi per studentas e students.

RR novitads 12:00