Siglir tar il cuntegn

Header

In guaud cun pigns
Legenda: Qua pudessan ins chattar l’ultim paus. RTR, F. Caduff
cuntegn

Ulteriur Grischun Sepultura en il guaud: L’ultim paus en la natira

La vischnanca da Panaduz planisescha in territori per sepulturas en il guaud. Sin in territori da bundant 4 hectaras a l’ur da Panaduz stattan var 200 plantas a disposiziun.

Tar ina sepultura en il guaud vegn la tschendra sternida en il guaud sper ina planta. Il santeri en il guaud fiss il prim da sia sort en il chantun Grischun.

Per mintgina e mintgin

Il santeri da sepulturas en il guaud duai esser in territori ch’è liber per mintgina e per mintgin. Tuts pon vegnir sepulids sin il territori, independent da la religiun, da la derivanza u ch’ins è ina persuna u in animal. Era duai il territori vegnir duvrà vinavant sco guaud. Il territori na vegn betg serrà giu.

Sch’il santeri per sepulturas en il guaud ha in futur u betg decida la vischnanca da Panaduz ils 2 da december 2015.

Artitgels legids il pli savens

Scrollar a sanestra Scrollar a dretga