Siglir tar il cuntegn

Header

audio
Bunura: Tumein – Robert Naefgen fa livestreams da servetsch divin
Or da Actualitad dals 24.12.2019.
laschar ir. Durada: 02:32 minutas.
cuntegn

Servetsch divin innovativ Livestream ord la baselgia tar mintgin sin ses telefonin

Ils 8 da december 2019 ha l’emprim servetsch divin via Facebook e Twitter gì lieu a Tumein. Il plevon evangelic-refurmà Robert Naefgen è cuntent cun il resultat.

L’idea è vegnida durant baiver vin chaud avant trais onns. Uss ha Robert Naefgen ensemen cun il schurnalist Christian Ruch realisà questa idea.

Ma, co?

Il servetsch divin saja stà tut normal, di il plevon ch'è oriund da la Germania. Ils aspectaturs dal livestream sin Facebook e Twitter savevan dentant sa participar al servetsch cun il hashtag «#Tamins19».

Dals passa 600 aspectaturs è dentant be ina persuna s’annunziada via il hashtag. La persuna aveva ina dumonda, e lura ha il plevon pudì respunder quella durant il servetsch divin.

Livestream sin Facebook

Christian Ruch seseva giusut en ils bancs e controllava sch'insatgi s’annunziava, e deva lura part a Robert Naefgen.

I n’è betg usit ch’il servetsch divin vegn interrut da visitaders. Igl era ina situaziun speziala, e lura hai jau pensà dad era duvrar metodas spezialas.
Autur: Robert Naefgenplevon

La finamira

Ina da las grondas finamiras da quest servetsch divin modern era, da preschentar a la glieud ina nova furma da baselgia. Ma era da cuntanscher la glieud via lur telefonin cun il servetsch divin – e quai gist nua ch’els èn.

Questa giada era «Instagram»

Robert Naefgen è pertschert ch’els n’han betg cuntanschì la giuventetgna cun duvrar «Facebook» e «Twitter». Perquai vulessan els, en la segunda emprova che vegn ad esser la proxima stad, era lavurar cun «Instagram» per includer la giuventetgna.

RTR actualitad 08:00