Siglir tar il cuntegn

Header

video
La situaziun da naiv en il Grischun
Or da Telesguard dals 14.01.2020.
laschar ir
cuntegn

Situaziun da naiv Grondas differenzas aifer il Grischun

Prads verds en las valladas e temperaturas sco il mars – e quai mez schaner. Tenor SRF Meteo è quai ina situaziun speziala, dentant betg extraordinaria. Pli aut ch’ins va, dapli naiv ch’igl ha. Uschia è la situaziun a Segl perfin meglra ch'en la media dals ultims diesch onns.

Da la blera naiv dal november da l’onn passà «vivain nus anc adina en las regiuns dal sid dal chantun», constatescha Gaudenz Flury da SRF Meteo. La situaziun da naiv na dependia dentant betg surtut da la dumonda nord u sid da las Alps, mabain surtut da l’autezza sur mar. Il favugn haja numnadamain pudì far effect surtut en regiuns bassas – e las precipitaziuns sajan crudadas là en furma da plievgia. Tuttina possian ins tenor SRF Meteo anc adina sperar sin in return da l’enviern – ma segir betg ils proxims dis.

RTR Telesguard 17:40