Siglir tar il cuntegn

Header

cuntegn

SLF a Tavau Dapli sfidas – perquai 8,3 milliuns per dapli SLF

Las sfidas entras ils midaments da clima creschan dapertut – er per ils scienziads a l'Institut da naiv e lavinas SLF a Tavau. Perquai veglian els engrondir lur institut, scrivan il responsabels da SLF en ina communicaziun da medias.

Cun tut ils midaments da clima ed ambient èn er sa multiplitgadas las sfidas scientificas per l'Institut da naiv e lavinas a Tavau. Las localitads actualas na bastian betg pli per pudair scuntrar a quests midaments e perquai vul il SLF crescher:

Nus vulain porscher er en l'avegnir servetschs d'emprima qualitad per la societad.
Autur: Dr. Jürg Schweizer manader dal SLF

Il servetsch il pli enconuschent vegn ad esser il bulletin da lavinas. Quai è dentant be ina pitschna part da tut quai che l'institut presta.

8,3 milliuns pajads dal WSL

Tar il project actual vai concret per 8,3 milliuns francs che duajan vegnir investids per restar al puls da la perscrutaziun. Ils raps vegnan da l'Institut federal per la perscrutaziun da guaud, naiv e cuntrada WSL. Tar quel tutga il SLF. Per quests raps vul l'institut strair giu l'uffizina veglia e construir là in bajetg nov cun trais plauns.

Uschia speria il SLF da survegnir il 2022 las localitads necessarias urgentamain per biros, labors e magazins, scriva el en sia communicaziun.

RR novitads 11:00

Artitgels legids il pli savens