Siglir tar il cuntegn
Inhalt

Ulteriur Grischun Somedia cumpra 10% da PresseTV SA

L’editur grischun Hanspeter Lebrument cumpra per 50’000 francs 10% da las aczias da la PresseTV SA. Medemamain acziunaris en la «Neue Zürcher Zeitung» la «Basler Zeitung» ed er la Ringier Axel Springer SA.

Somedia.
Legenda: Somedia vegn emess probabel en futur er tar PresseTV. Keystone

Tenor atgnas indicaziuns da l’interpresa PresseTV SA è ella cuntenta da pudair schlargiar la gruppa dals acziunaris. Il motiv per la cumpra da las aczias è che la «Südostschweiz» survegn era ina plattafurma naziunala.

Las emissiuns vegnan emessas sur ils emetturs da la SRG/SSR. Las emissiuns che vegnan il mument emessas sa numnan «NZZ Format» e «Standpunkte Basler Zeitung» uschia survegn era la «Südostschweiz» in format Standpunkte. Per pudair far quai èsi necessari dad esser acziunari da PresseTV. Quai conferma l’editur hanspeter Lebrument a RTR.

La collavuraziun cun l'SRG/SSR è reglada cun in contract da collavuraziun che cuzza fin la fin dal 2018. Quest contract reglescha surtut il temp d'emissiun, la durada da programs e las modalitads finanzialas.

RR novitads 14:00