A Son Gliezi è sa disgrazià la notg sin glindesdi in motociclist. Tenor emprimas enconuschientschas è l’um collidà frontal cun il mir da fortezza datiers da la caserna Son Gliezi. Quai ha communitgà la Polizia chantunala dal Grischun.
Militar ha constatà curt avant las 00:30 uras dasper la porta da fortezza ina moto ed ina persuna senza schientscha. Il team da l'ambulanza da Cuira sco era in medi d'urgenza han be pli pudì constatar la mort da l'um da 51 onns. L'um era da via en direcziun Balzers. Daco ch’igl è vegnì tar l’accident, n’è betg enconuschent.