Siglir tar il cuntegn

Header

cuntegn

Spartavias Maladers fin Platz Via dal Scanvetg po vegnir renovada

La regenza ha approvà il project per renovar la via dal Scanvetg e d'adattar la fermada «Maladers Sax».

Renovaziun da la via

Il project davart la correcziun da la via dal Scanvetg è vegnì approvà. Il traject davent dal spartavias Maladers fin a Platz vegn renovà durant ils proxims dus onns. Supplementar duai ussa er vegnir renovà il traject da Platz fin a Sax, perquai ch'il stadi da la cuvrida da la via è fitg nausch pervia da la schelira, dal sal da sdregliada e da la chargia dal traffic. En il rom dal project vegn renovada la surstructura da la via, curregida e schlargiada il vial sin 6 meters. Il project custa al chantun radund 6,75 milliuns francs.

Fermada «Maladers Sax»

Per incumbensa da la citad da Cuira duai ultra da quai la fermada da da l’AutoDaPosta «Maladers Sax » vegnir renovada e colliada cun in passape cun la fracziun da Sax. La Regenza ha concedì a la citad da Cuira ina contribuziun chantunala da 9'000 francs per quest intent.

RTR novitads 10:00

Artitgels legids il pli savens

Scrollar a sanestra Scrollar a dretga