David Jordan viva dapi var 10 onns en Svizra. El lavura en l'ustaria «Vino y mas» a Cuira. En l’ustaria vegnan servidas tipicas tratgas spagnolas – tranter auter las tapas. Declerà simpel èn quai da tutta sorts buccadinas u «heplis» – dal paunin garnì fin a tratgas da charn.
Las Tapas
I vegn ditg che las tapas derivan dad ina istorgia dal retg da la Spagna, Alfonso igl otgavel. Tar ina visita en ina ustaria sper la mar haja el empustà in Sherry. Il camarier haja purtà ad el la bavronda cun ina talgia schambun, quai per proteger la bavronda da la pulvra. Quai haja plaschì uschè bain al retg ch'el haja sinaquai adina empustà sia bavronda «con tapa» – pia cun cuverta.
En Spagna mangiain nus pli simpel e partin in cun l'auter las tratgas. En Svizra dovra tut dapli temp e mintgin mangia mo ses agen menu.