En il Partenz è in parasgulader crudà giu e mort la dumengia suentermezdi. Sur St. Antönien era l'um da 52 onns partì sco davos d'ina gruppa da parasguladers. Pervi da turbulenzas dal vent saja el lura crudà giu. Quai scriva la Polizia chantunala.
Pliras persunas, ch'han observà l'accident han alarmà la Rega. Il medi da la Rega ha mo pli pudì constatar la mort da l'um. La polizia e la Procura publica investigheschan per chattar or, pertge che l'accident è capità.
audio
Per tadlar: Las novitads da las 17:00
ord Novitads dals 07.07.2020.
Maletg: RTR
laschar ir. Durada: 5 minutas 38 Secundas.