Siglir tar il cuntegn

Header

Nova zona a Tavau.
Legenda: Tut en tut duai la zona da perscrutaziun vegnir engrondida per var 6575 meters quadrat. ©Comet Photoshopping ScRL / Dieter Enz
cuntegn

Stgaffì premissas giuridicas Tavau po engrondir l'Institut da perscrutaziun AO

A Tavau po vegnir engrondì l'institut da perscrutaziun AO, l'institut da la cuminanza da lavur per dumondas da l'osteosintesa. La regenza grischuna ha stgaffì la basa legala cun approvar la revisiun parziala da la planisaziun locala.

La AO Foundation (Cuminanza da lavur per dumondas d'osteosintesa) è ina societad medicinala che vegn manada d'ina gruppa internaziunala da chirurgs e ch'è sa spezialisada sin il tractament da ruttadiras d'ossa e da l'apparat motoric. Actualmain porscha l'institut da perscrutaziun AO 70 plazzas da lavur. El profita da las sinergias da la rait AO globala da passa 15 000 chirurgas e chirurgs. Plinavant s'engascha l'Institut da perscrutaziun en las stentas chantunalas da rinforzar il Grischun sco lieu da perscrutaziun.

RTR novitads 09:00