Il suveran da Claustra-Serneus ha refusà cleramain la revisiun parziala da la constituziun da la vischnanca. Punct central era la dumonda cun u senza radunanza communala. Omaduas dumondas èn vegnidas refusadas, quai tar ina participaziun da 30,18%.
Finamira era da purtar in zic ruaus en cumin
Dapi onns han la vischnanca politica ed il suveran da Claustra-Serneus dispitas. Il suveran na fida betg pli a las autoritads communalas. Uschia fan projects gronds naufragi ed il suveran ha gia ditg duas giadas na ad in nov sistem politic. Perquai èn vegnidas pretendidas novas structuras. Las novas structuras «4 gudogna plus», ch'ina gruppa da lavur ha proponì, ha uss fatg naufragi.
Ulteriuras decisiuns
Er refusà ha il suveran da Claustra-Serneus la lescha d'organisaziun, la lescha davart ils dretgs politics e la lescha generala. Detg Gea ha il suveran dentant al preventiv 2020. Quai cun 620 Gea cunter 279 Na.
RTR novitads 12:00
