Siglir tar il cuntegn

Header

Duas persunas cun camera da filmar.
Legenda: Quest atun pon cumenzar var 30 studentas e students il studi da bachelor da inschigneria da medias. MAD
cuntegn

Studegiar a Cuira Dapli dastgan far bachelor en inschigneria da medias

Davent dad immediat pon puspè dapli persunas studegiar inschigneria da medias (media engineering / multimedia production, MMP) a la Scola auta spezialisada dal Grischun. La regenza ha abolì la restricziun d'admissiun per il studi.

Uschia pon quest atun cumenzar var 30 studentas e students il studi da bachelor. Las bunas experientschas cun emprender a distanza durant la pandemia lubeschian d'abolir la restricziun, scriva la regenza.

Dapi il prim da settember 2018 valeva ina restricziun d'admissiun da 99 studentas e students per onn da studi.

RTR novitads 09:00