Siglir tar il cuntegn
Inhalt

Ulteriur Grischun Success per ils tamburs giuvens da Domat

A la concurrenza svizra orientala dals tamburs giuvens han las secziuns da Domat gudagnà en las categorias 1 e 2 ed er pudì festivar 12 distincziuns singulas.

Cun 27 tamburs èn ils da Domat sa participads a la concurrenza dals tamburs giuvens da la Svizra Orientala a Wil en il chantun da Son Gagl.

En la categoria 1 han ils tamburs giuvens sut la batgetta dad Andri Seglias festivà ina victoria. Defendì lur titel ha er la gruppa dals giuvens sut la batgetta da Tamino Weggler en la categoria 2. En la categoria dals pli giuvens, T3, ha Gion Elia Huonder schizunt gudagnà. Tut en tut han ils tamburs da Domat retschavì 12 frastgas, pia distincziuns singulas.

Dumengia saira han numerus fans, la societad da musica, delegaziuns da bandieras sco er represchentants da la vischnanca politica e da la vischnanca burgaisa beneventa ils tamburs giuvens a la staziun.

RR novitads 20:00