Siglir tar il cuntegn

Header

Video
Ils pumpiers da Cuira stizzan il fieu en la chasa da pliras famiglias a Cuira
Or da RTR dals 19.11.2015.
laschar ir
cuntegn

Ulteriur Grischun Suenter incendi è la zona d'abitar Carmenna a Cuira puspè segira

A Cuira ha ina chasa da pliras famiglias ars questa notg. Ils pumpiers èn stads en acziun gronda ed han fin curt suenter mesanotg stizzà il fieu. Persunas n'èn betg blessadas.

Lavurs duran anc l'entira notg

Sco quai che la polizia chantunala conferma ad RTR, han ils pumpiers da Cuira entant stizzà il fieu. I na dettia nagin ristg da fieu per las chasas dasperas. Durant la notg vegn anc segirà il tetg, per sclauder ulteriurs ristgs. La polizia quinta che quai duria anc l'entira notg.

Fatg stim baud ed evacuà las 6 abitaziuns

Il fieu era rutt ora en ina chasa da pliras famiglias en la zona d'abitar Carmenna a Cuira. Il possessur da la chasa haja fatg stim baud dal fieu ed evacuà la chasa cun 6 abitaziuns. Uschia na sajan naginas persunas vegnidas blessadas. 1 persuna hajan ils gidonters tramess en l'ospital, però mo per controlla.

Ils donns vi da la chasa sajan gronds, rapporta la polizia chantunala. Davart las raschuns per il fieu na datti anc naginas infurmaziuns. Las examinaziuns marschan.

Novitads 23.00

Dapli da Grischunavrir la Landingpage

Nach links scrollen Nach rechts scrollen