Siglir tar il cuntegn

Header

cuntegn

Ulteriur Grischun «Sustainability Week» a la HTW – En il center da la persistenza

La HTW presenta en collavuraziun da la societad da students «Student HUB» in'emna da persistenza. 24 students han organisà in'emna plain occurenzas, activitads, divertiment e referats. En tut sa participeschan durant il mars ed avrigl 27 scolas autas en 14 citads svizras.

Cun l'emna vulan ins sensibilisar la glieud. Ils organisaturs sa mettan en per che las scolas autas daventan pli ecologicas. Vinavant vulan ins mussar las differentas pussaivladads sco ch'ins pudess reducir rument. Betg il problem, mabain la soluziun duess esser en il center da l'emna.

Nus na vulain betg mussar avant ad insatgi co ch'ins ha da viver
Autur: Salomé Barrer presidenta dal «Student HUB»

Era na dastga il divertiment betg ir a la curta. Cun in concert da benefiz ed preschentaziuns da films che han da far cun l'ecologia vulan ins attrair uschè bleras persunas sco pussaivel.

audio
Saira: Emna persistenta – Tge è l'intent?
ord Actualitad dals 26.02.2019.
laschar ir. Durada: 2 minutas 58 Secundas.

«La persistenza è in pled vast»

Sper activitads ch'han directamain da far cun l'ecologia – sco referats «viagiar pli ecologic» – datti era in «PoetrySlam» u curs da yoga. Sco la presidenta dal «Student HUB» Salomé Barrer declera, includa la persistenza er l'aspect social. Esser perina cun sasez e s'exprimer cun poesia po era tutgar tar la persistenza.

RR actualitad 17:00

Artitgels legids il pli savens