A Tavau vul la regenza dar ulteriur sustegn a l'economia locala, pervia da las mesiras da corona. Quest segund pachet d'agid sto però anc vegnir approvà dal parlament.
La regenza vul sustegnair ils manaschis ed ils independents cun ina reducziun marcanta da las taxas per la promoziun turisica, hai num en la communicaziun. Tut tenor quant fitg che las firmas èn pertutgadas duai la reducziun muntar a 20% u ad 80%. Tut en tut vegnan ils manaschis uschia distgargiads per 1,2 milliun francs. Las entradas che mancan uschia al turissem, surpiglia la vischnanca.