Ulteriur Grischun - Swiss International School serra portas
La scola internaziunala a Tumein sto serrar sias portas cun la fin da quest onn da scola. Sco quai ch'igl è da leger sin la pagina d'internet da la Swiss International School vegnian ils contracts cun ils emploiads visads.
La mancanza da scolars na lubeschia betg pli da manar vinavant la scola a moda economica, uschia èsi scrit. Als geniturs dals scolars saja vegnì offert d'inscriver lur uffants tar cundiziuns favuraivlas en autras scolas internaziunalas.
La Swiss International School aveva avert sias portas a Tumein l'onn da scola 2010/11.