Siglir tar il cuntegn

Header

duas soras da malsauns stauschan in letg cun ina pazienta
Legenda: L'ospital chantunal ha tgirà tantas persunas sco anc mai (maletg simbolic). Keystone
cuntegn

Ulteriur Grischun Tants pazients sco anc mai

L’ospital chantunal dal Grischun ha dumbrà l’onn passà tants pazients sco anc mai. Passa 17'000 persunas èn vegnidas tgiradas a moda staziunara a Cuira. Quai munta era che l’ospital ha stgaffì 85 plazzas novas ed è uschia patrun da bunamain 2'000 emploiads.

Quai ha l’ospital chantunal communitgà oz a Cuira. En il center dals proxims onns stat surtut la renovaziun da l’ospital: Per 430 milliuns francs vegn renovà e bajegià enfin l’onn 2022.

Nova clinica d'uffants è planisada

L’ospital chantunal vul era bajegiar ina nova clinica d’uffants. Quella è integrada en il grond project da renovar ed engrondir l’ospital e duai vegnir averta l’onn 2019, ensemen cun l’emprema part da las localitads novas. Anc n’ha la fundaziun da l’ospital chantunal betg concedì il project ed ils daners, ma il president Martin Schmid è optimistic che quai vegn a succeder bainspert.

RR novitads 12:00

Artitgels legids il pli savens

Scrollar a sanestra Scrollar a dretga