Siglir tar il cuntegn

Header

purtret da Tavau.
Legenda: Keystone
cuntegn

Tavau Buna situaziun en l'ospital a Tavau

Sur ils dis da festa hai tradiziunalmain blera glieud a Tavau, er quest onn na saja quai betg stà auter – er sche las cifras d'osps sajan stadas pli bassas ch'auters onns. Ma malgrà la spetgas saja la situaziun restada miaivla en l'ospita. Ils 27 da december sajan 30 letgs stads occupads, da quai 5 cun pazients da corona. 10 letgs èn anc stads libers, er ils dus plaz en la staziun da survegliar.

Plinavant scriva il stab da crisa da Tavau en ina communicaziun ch'i saja vegnì fatg bun diever da la pussaivladad da sa testar sin corona. Ils pli blers hajan sa laschar testar ils 24 da december – 84 persunas. 47% da las persunas testadas ils ultims dis sajan da Tavau, 7% d'autras vischnancas dal chantun, 35% dal rest da la Svizra ed 11% da l'exteriur. Il mument datti a Tavau 52 cas activs.

Atgna responsabladad e saun giudizi tant pli impurtant

Il stab da crisa è plinavant er cuntent che l'obigatori da mascrinas vegnia pli u main resguardà bain. Ma anc pli impurtant saja da tegnair distanza. Er quai saja gartegià betg mal. I dettia cas singuls en lieus, nua ch'ins haja constatà accumulaziuns da persunas. Gist perquai che la regenza haja decis mesemna da schluccar in zic las mesiras en ils territoris da skis, saja tant pli impurtant da pudair sa laschar sin il saun giudizi e l'atgna responsabladad da la glieud.

Quai valia er per interpresas. La polizia haja constatà che gist en la hotellaria ed ils manaschis gastronomics, na vegnia betg adina realisà bain als mesiras. Là haja dà admoniziuns ed er controllas supplementars.

RTR novitads 14:00

Artitgels legids il pli savens

Scrollar a sanestra Scrollar a dretga