La raschun da separar las duas fatchentas è stada, ch'il tema dal dretg da vuschar per esters pudess polarisar. Els n'erian betg segirs sche la revisiun da la constituziun fiss stada periclitada, ha ditg il deputà Vladimir Pilman da la PLD envers la gasetta «Südostschweiz».
Cun separar las fatschentas vul il parlament da Tavau impedir, che la populaziun ditgia Na a l'entira revisiun da la constituziun. Decis la separaziun ha il parlament la gievgia suenter curta discussiun, quai cun 13 cunter 3 vuschs.
Cun ina moziun aveva la partida liberaldemocratica da Tavau pretendì, ch'il pievel duai pudair decider a moda separada e pli tard davart introducir il dretg da vuschar per esters. Quest dretg prevesa – che persunas estras ch'han almain 18 onns e vivan dapi almain 5 onns en vischnanca, survegnan er il dretg d'eleger e votar.
RR novitads 11:00