Siglir tar il cuntegn

Header

Bajetg gimnasi da sport Tavau.
Legenda: Dals 1'676 votants han 1'447 detg GEA e 229 NA al project d'engrondir il gimnasi da sport a Tavau. SRF
cuntegn

Tavau Gimnasi da sport vegn schlargià

Las votantas ed ils votants da Tavau han cun gronda maioritad ditg GEA ad in credit da dus milliuns francs sco era ad ina reducziun parziala dal tschains da locaziun.

Cun gronda maioritad ha il suveran da Tavau decis dad engrondir il gimnasi da sport a Tavau. Quai ha communitgà la vischnanca. Per l’ina vai per ina contribuziun da 500'000 francs per sanar la halla da sport. Per l’autra vai per engrondir l’areal Castelmont. Per quel dat la vischnanca in emprest das dus milliuns francs. Plinavant conceda ella ina reducziun dals tschains da locaziun. La reducziun da tschains è ina cumpart dal nov contract da locaziun ch'entra en vigur l'entschatta 2020.

Il credit da la vischnanca pussibilitescha al gimnasi da sport SSGD (Stiftung Sport-Gymnasium Davos) da realisar sin l'areal Castelmont in ulteriur bajetg. Il project duai vegnir realisà l'onn 2020.

Ord l'archiv

Il 2017 ha il gimnasi da sport a Tavau pudì festivar il giubileum da 20 onns. En tut quels onns han els pudì purtar ora in u l'auter star.

RR novitads 14:00