A Tavau hai dà in incendi da cultira - il donn material è pitschen e nagin n'è blessà. Quai ha communitgà la Polizia chantunala. Ils 18 pumpiers da Tavau hajan pudì stizzar fitg spert l'incendi da cultira. Ars è ina surfatscha da 10 aras pastg setg. Ins haja survegnì curt avant las duas l'annunzia ch'i brischa en il territori da «Duchlisage». La polizia sclerescha la raschun da l'incendi.
Grond privel da fieu
En plirs chantuns regia in grond privel d'incendis da guaud en ils chantuns Grischun e Tessin vala in scumond absolut da far fieu en il liber.
En il chantun Glaruna ed en parts dal chantun Son Gagl èsi scumandà da far fieu in il guaud ed en la vischinanza dal guaud - quai resorta dal portal da privels da natira da la Confederaziun.
En numerus ulteriurs chantuns è il privel d'incendis da guaud considerabel, vul dir ins dastga far fieu mo tar fuainas fixas e mo cun esser fitg precaut.
