L'Ospital da Tavau è finanzialmain sin buna via. Cumpareglià cun il 2018 è il resultat da l'onn passà per 1,2 milliun francs megliers. Tuttina hai era dà l'onn passà in deficit dad 1,9 milliuns francs. Per meglierar la liquiditad da l'ospital ha il parlament da Tavau concedì ina contribuziun a fonds perdu en l'autezza da 2 milliuns francs sco er in credit dad ulteriurs 2 milliuns francs. Da quel è vegnì fatg diever en l'autezza da 70%.
Sco quai che l'ospital communitgescha restia la finamira da vulair reducir las expensas per il persunal sin 65% e las expensas per material sin 25% da la svieuta ed uschia pudair cuntanscher in resultat positiv che lubescha da sanar l'Ospital Tavau SA.
audio
Per tadlar: Las novitads da las 17:00
ord Novitads dals 10.06.2020.
Maletg: RTR
laschar ir. Durada: 5 minutas 30 Secundas.
