La dumengia passada han dus candidats fatg exact tuttina bleras vuschs. Perquai ha la suprastanza dumbrà anc ina giada suenter las vuschs. Dentant la situaziun da pat resta er suenter ch’ins ha dumbrà ina segunda giada las vuschs.
Sco la chanzlia communala da Tavau scriva, vegnia tratg la sort sche l’ultim sez va a la Partida liberaldemocratica u la Partida verd-liberala. La sort decida tranter:
- Philipp Peter Bärtschi PLD – 1'047 vuschs
- Lukas Kistler PVL – 1'047 vuschs
L'emprim ston quels resultats intermediars ussa vegnir publitgads en il fegl uffizial. Sche nagin fa recurs po la suprastanza confermar ils resultats sco definitivs e lura vegni tratg la sort. Tenor il chanzlist po quai cuzzar radund duas emnas.
