Tavau: Pilot mora tar crudada d'in aviun senza motor

Il venderdi tard suentermezdi è la polizia chantunala vegnida infurmada che l'aviun senza motor saja sparì en la regiun da Tschuggen. Ins ha l'emprim chattà parts da l'aviun e silsuenter era il pilot.

En questa regiun è l'aviun senza motor crudà. Bild in Lightbox öffnen.

Legenda da maletgs: En questa regiun è l'aviun senza motor crudà. MAD

Il venderdi a las 17:50 è la polizia chantunala vegnida infurmada che l'aviun senza motor saja sparì en la regiun da Tschuggen a Tavau. Cun agid d'in helicopter da la Rega han ins lura chattà l'emprim parts da l'aviun sco era il cockpit vid en il Tschuggentälli datiers dal Gorihorn sin in'autezza da 2'500 sur mar. Silsuenter han ins chattà datiers il vrac dal cockpit il pilot. Il medi d'urgenza ha be pudì constatar la mort, scriva la polizia chantunala.

L'um dal Grischun da 61 onns era partì il venderdi da dals 12.17 mezdi da l'eroport da Bogn Ragaz. Las investigaziuns èn vegnidas iniziadas.

RR novitads 11:00