La gasetta ha giu invista en ils documents da concurs grazia ad ina plenipotenza d'in creditur. La vischnanca da Tavau survegn anc radund 230'000 francs dal dabun da 420'000 francs. Da quai eran radund 275'000 francs taxas per la lubientscha da bajegiar. La vischnanca perda uschia 191'000 francs.
Era il chantun Grischun è pertutgà. L'administraziun da taglia sto desister sin radund 33'000 francs e survegn anc 40'000 francs. Bun la mesadad dals crediturs da terza classa vegnan ord la regiun da Tavau. I sa tracta da bleras firmas pitschnas e mesaunas.
RR novitads 8:00