Siglir tar il cuntegn

Header

Tavau.
Legenda: Uss pon ils da Tavau decider ils 27 da settember a l'urna davart las duas iniziativas. Keystone
cuntegn

Tavau Suveran po decider davart duas iniziativas

Il parlament, l’uschenumnà «Grosser Landrat», ha refusà tant l’iniziativa per dapli abitaziuns pajablas, sco er il scumond da fieus artifizials. Tar omaduas iniziativas è il parlament suandà a la proposta da la regenza, sco la Südostschweiz rapporta. Las duas iniziativas vegnan pia ils 27 da settember avant il pievel.

Abitaziuns pajablas

En l'iniziativa dal pievel era vegnì pretendì che la vischnanca da Tavau guarda che almain sin in dals trais terrens che tutgan a la vischnancas vegnan construidas abitaziuns sin tschains da locaziun sin basa dals custs. En il focus da la Partida socialdemocratica stat la realisaziun d'abitaziuns ch'èn pajablas era per famiglias ed emprendists.

Fieus artifizials

Era nagin success ha l'iniziativa da la Partida populara. Cun 9 cunter 8 vuschs è quella iniziativa per ina ferma restricziun da fieus artifizials vegnida refusada. Uschia po il pievel decider sch'ins vul introducir ina scumond da fieu artifizial a Tavau u betg.

video
Nagin sustegn per abitaziuns pajablas a Cuira
Or da Telesguard dals 28.02.2016.
laschar ir

RTR novitads 08:00