La vischnanca da Tavau sustegn da nov l'ospital cun ina contribuziun annuala da mintgamai 1,2 milliuns francs. Quai han decis las votantas ed ils votants cun prest 85%.
Finanziaziun da l'ospital - contribuziun annuala
Tavau: Finanziaziun da l'ospital - contribuziun annuala
-
GEA
2'360 Vuschs
-
NA
419 Vuschs
Plinavant surpiglia la vischnanca dus emprests dal chantun per total 5,8 milliuns francs. Il suveran ha approvà quests dus emprests cun passa 83% da las vuschs.
Finanziaziun da l'ospital - surpigliar emprests dal chantun
Tavau: Finanziaziun da l'ospital - surpigliar emprests dal chantun
-
GEA
2'313 Vuschs
-
NA
452 Vuschs
Finanziaziun da l'ospital - emprest per segirar la liquiditad
Tavau: Finanziaziun da l'ospital - emprest per segirar la liquiditad
-
GEA
2'323 Vuschs
-
NA
458 Vuschs
Gia dapi onns scriva l'ospital cifras cotschnas en summas da plirs milliuns francs. Cun il sustegn finanzial da la vischnanca duai l'ospital da Tavau pudair mantegnair trais partiziuns, numnadamain la staziun d'urgenza, la partiziun da ginecologia e da parturir sco er il servetsch da salvament.
NA a dretg da votar per esters
Il dretg da votar per persunas da l'ester che vivan dapi almain 5 onns a Tavau ha fatg naufragi, cun 61% da las vuschs.
Dretg da votar per persunas estras
Tavau: Dretg da votar per persunas estras
-
GEA
1'089 Vuschs
-
NA
1'722 Vuschs
Suprastanza e parlament avevan decidì il december da sustegnair l'iniziativa. Ils adversaris han argumentà che esters che veglian vuschar a Tavau duain ir la via per survegnir il dretg da burgais svizzer. Vegnida lantschada era l'iniziativa entras ina moziun en il parlament local. En Grischun han pia vinavant 29 da 105 vischnancas il dretg da votar per esters.
RTR votaziuns 14:00