Tavau è fin uss il sulet lieu che ha duas staziuns cun servetsch al spurtegl. Sco quai che la Viafier retica communitgescha è vegnida analisada la structura da custs en la vendita da bigliets. Cunquai che la vendita da bigliets funcziuna adina pli fitg sur automats ed internet ha la direcziun decidì da serrar il spurtegl a Tavau Vitg.
Tuttina blers trens, naginas relaschadas
Ils ultims onns ha la RhB investì en quests novs chanals da distribuziun. Actualmain venda ella radund la mesadad da ses bigliets a l’automat.
Ina chaussa na sa mida però betg: Er en il futur tegnan tuttina blers trens a Tavau Vitg. Tuts collavuraturs da la staziun lavuran en l’avegnir a la staziun «Tavau Plaz». Lezza staziun è vegnida modernisada fin avant dus onns per tut ensemen 42 milliuns francs.
RR novitads 16:00