Siglir tar il cuntegn

Header

cuntegn

Teater e digitalisaziun Teater Cuira sa participescha a plattafurma da barat

13 teaters da lingua tudestga han fundà ina plattafurma online cun il num «theaternetzwerk.digital». Er il teater da Cuira tutga tar ils fundaturs. L'idea saja, da barattar la savida e las enconuschientschas davart il champ da teater e digitalisaziun.

Las midadas digitalas na possian betg remplazzar ina represchentaziun en il teater. Quai scriva il Teater da Cuira en ina communicaziun. Il mund digital porscha dentant er dapli pussaivladads. Gest in teater sco Cuira haja cun la digitalisaziun differentas variantas per cuntanscher dapli persunas en las regiuns, sa lascha citar il directur, Roman Weishaupt. La nova plattafurma duai gidar a perscrutar quellas pussaivladads.

Part da la nova rait fan teaters da la Germania, da l'Austria e da la Svizra. Cuira è il sulet teater svizzer cumpiglià.

Ord l'archiv

Roman Weishaupt ha l'onn passà surpiglià la direcziun dal teater da Cuira. In onn plain sfidas.

video
Tranter magia, birocrazia e corona – Roman Weishaupt, il nov directur
Or da Cuntrasts dals 03.01.2021.
laschar ir. Durada: 26 minutas 15 Secundas.

RTR novitads 11:00

Artitgels legids il pli savens